|
LMF番黎啦！
雖然呢次重組可能係短暫，
但唔緊要，照殺。
1月2有Show，希望睇得成！
歌詞我都仲研究緊（有幾段幾個字聽唔清楚），
睇住段片部份先啦。
以下係家榆嘅版本，
當然未必一定準確，同埋仲差三個字，
有冇人聽到？
（斜體為家榆Xanga內容）
揸緊中指 LMF
Microphone check one 的起耳朵聽真
清晰嘅聲音向你腦袋進軍
一直都知自由係要去捍衛
不惜一切就算我哋依然處於弱勢
奸商奸狗官最叻係玩箝制
事實擺在眼前就？？？活得蒙蔽
強勢未倒下 頭顱未被斬下
有法治一日我地依然不怕
逼不得已大懶堂要出嚟伸張正義
但係呢首歌嘅內容並無牽涉到政治
我話你知 個世界越係動盪
我哋既思維就要更加要懂得開放 come on
一 二 兩隻手指
意 義 就只有自由兩個字
一無所有嘅鬥士
揸緊宗旨 唔係理想咁易
一 二 兩隻手指
意 義 就只有自由兩個字
一無所有嘅鬥士
揸緊中指 唔係你想像咁易
我並唔認同你講既一切一切
但我會捍衛 即使死不眼閉
並唔認為你所謂嘅需要克制
會帶嚟公平 肯定壓倒一切
唔屈服於錢幣唔怕照肺
見權貴一樣照吠 正義係不顧一切
唔怕揭穿虛偽 住濁世繼續警世
唔會感到孤獨 為自由不枉一世
我知道世事無絕對嘅對與錯
但係我屌你亦無需要對號入座
我憤怒你無需要大驚小怪
亂鳩咁報導唔可以當做表態
一 二 兩隻手指
意 義 就只有自由兩個字
一無所有嘅鬥士
揸緊宗旨 唔係理想咁易
一 二 兩隻手指
意 義 就只有自由兩個字
一無所有嘅鬥士
揸緊中指 唔係你想像咁易
你咪要放棄 堅持到尾
自由要接棒 我哋要靠晒你哋
（為 平等 一個 Freedom）
不惜犧牲幾多 揸緊中指我道理
不自由 毋寧死
妥協最後 失敗者只會係你
（不能容忍 世界變成咁）
犧牲幾多 揸緊中指我道理
為 平等 一個 Freedom
不能容忍個世界點解變成咁
鬥爭不斷發生 太多狡猾聲音
為咗自由兩個字 太多人無辜犧牲
為 平等 一個 Freedom
為自由追尋 同權力繼續繼續抗衡
不聽天由人 自由不分富貧
平等自由應該屬於 每一個人
一 二 兩隻手指
意 義 就只有自由兩個字
一無所有嘅鬥士
揸緊宗旨 唔係理想咁易
一 二 兩隻手指
意 義 就只有自由兩個字
一無所有嘅鬥士
揸緊中指 唔係你想像咁易 Yeah
一 二 兩隻手指
Liberty 自由兩個字
一無所有所有嘅鬥士
揸緊中指
注一：「？？？」好多人寫係「無撚玩」，我覺得唔應該係咁填。
注二：暫時見過最接近我呢個版本（都有分別）嘅係高登會員吹蕭邦嘅版本（按此連結，喺中下）。
注三：其他版本聽錯好多（而且有啲字根本就無意義），別字都好多。
注四：副歌我用「揸緊宗旨 唔係理想咁易」純粹估佢玩諧音，因為第二句係「唔係你想像咁易」，就好似生番首「撒理存俗」咁。
注五：下面寫「穩定壓到一切」但我聽到「肯」音，而且兩句都講得通，忠於自己對耳先。
By the way，我都係聽到「穩定壓到一切」。
|
| |
| 結繩記事時間
星期四體藝Sports Day，
三點九打鐘連Killer都唔玩，
將啲書掉哂入Locker就拉大隊衝去小巴站。
去左樂富等呂圖先，可惜最後都係等唔到。
中途傅SIR打黎話完左，好可惜，
因為自己著緊件今年嘅紅社社衫。
結果直接搭左車去新城市搵傅SIR同帶子食TEA，
大概五點八左右到，
可惜時間太短，吹到七點未到就走。
「你就唔啱啦，咁就離開左我地。」
點名安慰下人先。
帶子咪咁頹啦，正所謂「苟余心其端直兮，雖僻遠之何傷」（我淨係識呢啲咋），
人走左其實影響都唔係好大嘅。
頹落去唔係辦法，提起精神啦！
同左帶子行去禾輋，我覺得夜晚漫步可以好浪漫，但唔係同你喎。
（安慰完你又要串下你，我覺得我好賤格）
搵左間大牌檔，叫埋暐哥（其實應該係叫左暐哥先再搵大牌檔）。
俾人慫恿叫左半打嘉士伯，咁啱啲野食又好遲黎，
咁啱我又好口渴，咁唯有空肚飲。
食食下飯暐哥終於黎，好開心咁吹水，有時我響度諗，
我地係咪真係又咁多野可以講？而事實又真係喎！
然後帶子番宿舍，自己就同左暐哥行番新城市（又黎個夜晚漫步？）
跟住先黎料，一整日嘅折騰之後，極度眼訓，
再加少少酒精影響，個人攰到淒迷。
響新城市漫無目的咁行，諗起有次同Wilson、Kelvin上空中花園吹水（又係吹水……），
就立即上左空中花園。
坐左陣就番屋企，沖涼即訓。
星期五放學又去Sports ground，今次得自己一個，
啲衰運又發作，小巴等勁耐，火車又送車尾……
五點三先到運動場，啲人開始散，
見到部份朋友已經好好，只係同人影左一幅相，
同輝吹左陣水，諗住走果陣突然見到細佬，
又同佢吹左陣水，打左陣交，然後走。
走走下發現自己未見過阿John，所以打左俾佢。
講講下佢突然想將個電話塞俾Kelvin，
話：「唉我都唔知講乜喇，雋熙你聽啦。」笑死我。
最後去左新城市搵佢、Kelvin同Matthew，
又係坐左陣就走。
響火車站撞到輝同Kitty，本來唔想做電燈膽，
但輝咁挽留我我就唯有接受啦哈哈哈。
去到旺角嘅時候先分開，
自己就去左教協幫手搞遊行啲物資。
應承左阿媽番屋企食飯，九點幾就走左，
但番到屋企結果都係冇食到飯。
今日上完Course之後去左序言，
打算參加呢個吹水會：青年論述吹水會－成人帝國主義初探
點知去到發覺好少人，又咁岩見到家榆。
睇左陣書，又忍手唔買（太多書未睇），
結果同佢行左陣。
中途發現原來我地兩個都係響Facebook揀Maybe Attending，
反而出現左，而Attending嘅就冇蒲頭到……
六點未到就番到屋企，然後又開始唔知做乜。
呢一日諗到好多新野，不過冇時候寫低，
睇怕聽日又唔記得一大部份。
夜晚同屋企人食飯，
照舊同細佬吹體藝啲野。
自從細佬中二之後，成日都黎同我講體藝，
一吹就吹好耐。
唔知發乜神經，今日夾埋送嘅羊腩煲，
總共叫左成六碟餸。
結果諗諗下一定食唔哂先Cut番個，
但已經飽到連甜品都唔想食，咁搞法又肥番。
（雖然而家我呢啲叫消瘦，唔係瘦）
最近發覺自己個樣好殘，一起身望住塊鏡，
要問鏡入面果條粉腸係邊個。
我預呢兩年AL生涯應該會殘到淒迷，
可憐嘅係青春又加速離開。
諗番起星期五，真係成個過客咁。
響運動場離開、同John佢地散、見到輝佢地一陣又走、響教協逗留左兩個幾鐘又早走……
所以點解我響上篇Entry突然咁寫。
我真係預計到，總有一日身邊嘅人會變會走，
好悲哀，但真係好大機會係咁。
我唔想咁，真係唔想，大家之間有好多承諾，
可唔可以實踐左佢？
我諗我可以保證自己呢一刻嘅感情，
唔係玩玩下，其實有時候，我可以好認真嘅……
聽日遊行，同埋四子聚會。（好耐冇咁叫過你地，可惜Gary走左）
我究竟做乜而家都未訓？
好問題，我有答案，
唔話你知，點都唔講。
（但又特登挑起條癮，死未）
唔經唔覺寫左咁多字，其實做乜事？
哈哈唔小心押埋韻添。
其實我寫左好耐，唔知有冇成個鐘呢？
亦都好耐冇試過咁樣記事，
真係好似中三果陣咁。
埋尾喇。
你，慢慢走了
像天邊的流星
掀起拍岸的浪花
突然平靜
|
| |
| 路最終還是要自己走。
我又怎會不明白，
現在身邊愛我的人，和我愛的人，
早晚也會離開。
7/11/2009
12:44
製造了假象，
其實小弟才沒有五時多才睡覺。
（很久沒試過了……）
在Entry發出前躺在床上便睡著了，
五時多突然醒來，
打算把Entry發出再關機，
怎料前者做到了，
後者卻（又）因MSN 9.0而失敗。
Oh,shit,忙了要跟家人午膳，It's time to go.
|
| |
| HKBlog：過馬路的自由
忍唔住響訓覺前插一兩句，
係插啲Comment。
我見大部份人都話段片唔完整，
睇唔到來龍去脈。
咁究竟係你自己唔去查，定係真係冇得查俾人斷章取義？
好似一首文學作品，
大佬，賞析都要睇作者身處嘅時代背景、遭遇處境啦。
你唔係想段片由網民自組圍禮賓府開始，
仲要用影分身術分開幾個地方影差佬點阻人去禮賓府示威下話？
加上個問題好簡單，
甚至唔需要理前因後果，
警察冇合理理由底下阻止一個人過馬路就已經有問題。
片中所聽到女長毛講，同班差佬擾攘左起碼半粒鐘，
段片入面差佬亦俾唔到理由，
其實係因為理虧。
篇文作者冇乜點寫件事係點又的確係唔多好，
但唔代表咁就叫斷章取義。
響話人之前，唔該利用以下網址：
www.google.com.hk
去查一查資料。
|
| |
